Овие мали семки се вистинска ризница на растителни влакна, протеини, антиоксиданти и омега-3 масни киселини. Меѓутоа, не е сеедно на кој начин ги консумирате.
Погрешен начин на консумирање е да голтнете лажица чија семе, а потоа да испиете чаша вода. Таквиот начин на консумирање може да доведе до проблеми со голтањето и интензивни проблеми со варењето. За максимално да се искористи хранливоста на чија семето, потребно е пред да ја изедете чијата да ја оставите натопена во вода или во друга течност.
Кога чија семките ќе отстојат некое време потопени, ќе забележите дека набабриле и станале желатизирани, пуштајќи слузава материја околу себе. Тоа им овозможува многу полесно да поминат низ органите за варење. Некои други испитувања покажуваат дека консумирањето мелено чија семе овозможува да се искористи многу поголема количина АЛА (растителни омега-3 масни киселини) отколку кога чија семето се јаде цело. Освен само потопени во чиста вода, чија семките се многу корисни и во разни освежителни пијалаци. Може да се додадат во јогурт, мусли, како и во разни рецепти за овошни пудинзи. Исто така, може да послужат и за правење на здрави мафини.
Еве еден предлог за утрински напиток, посебно добар за летниот период или пред тренинг, затоа што е полн со разни хранливи материи и електролити. Можеби не е посебно вкусен, но затоа е хранлив и здрав.
Во чаша кокосова вода додадете лажичка чија семе, половина лажичка спирулина и половина лажичка пченична трева во прав. Промешајте се и оставете да отстои неколку минути додека чија семките не пуштат желатин. Потоа испијте го.
