Според медицинската статистика, бројот на лица кои доживеале непријатни искуства по консумирање на кофеин не е многу мал. Иако алергијата на кафе не е така вообичаена појава, не е ниту непознаница. Нутриционистката Шона Вилкинсон вели дека алергиските реакции на кафе може да бидат или благи или многу сериозни.
Студиите покажале како организмот на поединци едноставно не може да го процесуира кофеинот, кај некои станува збор за недостаток на генот одговорен за оваа реакција или, пак, за недоволна изложеност на генот на оваа сусптанца, наведува Вилкинсон.
СИПТОМИ
Како да знаете дали сте меѓу лицата кои се алергични на кофеин? Вилкинсон објаснува дека може да се работи за еден или повеќе симптоми:
- Проблеми со кожата како егзема, осип, акни и чешање;
- Главоболка или мигрена;
- Нервоза или напад на паника со неможност за концентрација;
- Отечен јазик или грло;
- Забрзано чукање на срцето;
- Замор;
- Вртоглавица;
- Болка во градниот кош;
- Недостаток на воздух;
- Болки во мускулите;
- Халуцинации;
- Ладна пот;
- Проблеми со видот.
Зошто доаѓа до алергиска реакција?
Пред неколку години е спроведена студија чии резултати покажуваат дека доза од пет милиграми кофеин на килограм телесна тежина може кај некои лица да резултира со промена во однесувањето, а особено ако се работи за лица кои нередовно консумираат кафе.
Ако мислите дека сте алергични на кофеин за почеток исфрлете го дневното мени, но запомнете дека е потребно и до две седмици за да се отстранат сите ефекти на кофеинот од организмот. Исто така, кофеинот не се наоѓа само во кафето, може да се најде и во други напитоци, па и во чоколадите, затоа бидете внимателни.
