Сите знаеме дека срцето е исклучително важен орган чие здравје влијае на функционирањето на целиот организам. Секако, здравјето на срцето треба да го провери лекар, но во меѓувреме можете сами да следите како тоа работи во сопствениот дом без никакви посебни уреди кои ќе ви помогнат. Потребни се само неколку минути време и малку познавање на математика.
ИСКОРИСТЕТЕ ГИ СКАЛИТЕ
Резултати од студија спроведена од Европското здружение за кардиологија откриваат дека можете да проверите каква ви е состојбата на срцето со помош на скали – колку време ви е потребно за да се искачите 4 спрата скали.
“Ако ви требаат повеќе од 1,30 минути за да се качите по скалите, на вашето срце можеби ќе треба да го прегледа лекар“, објаснува авторот на студијата д-р Хесус Петеиро, кардиолог од Шпанија. Студијата ги споредувала резултатите од овој тест со нешто посериозни тестови за здравјето на срцето, како што е трчањето на лента за трчање. Тие откриле преклопување – 58 проценти од пациентите на кои им требало повеќе од 1,30 минути за да го завршат тестот на скали имале “абнормална функција на срцето“ на тестот што се спроведува на лента за трчање.
Д-р Петеиро бил и автор на студија од 2018 година во која 12.000 испитаници направиле тест на скали. Оние кои не успеале да се искачат 3 спрата скали за краток временски период имале речиси 3 пати поголеми шанси да умрат од срцеви заболувања во следните 5 години.
ПРОВЕРЕТЕ ГО ЗДРАВЈЕТО НА СРЦЕТО
Пулсот е основен тест за проверка на здравјето на срцето и затоа вашиот лекар секогаш ќе го проверува, а лесно е да се провери и дома без потребни апарати, а така лесно ќе добиете информации за брзината на работата на срцето. Вашиот пулс ќе се менува во текот на денот, во зависност од тоа колку се уморувате. Во моменти на голем стрес или голем физички напор, срцето ќе чука побрзо. Кога сте во мирување, секако дека тоа чука побавно. Дома можете да го измерите пулсот како: нормален и максимален број на отчукувања на срцето (во минута).
НОРМАЛЕН БРОЈ НА ОТЧУКУВАЊА НА СРЦЕТО ВО МИРУВАЊЕ
Јасно е дека се работи за мерење на брзината на отчукувањата на срцето во мирување, кога сте опуштени. Истражувањата покажуваат дека високиот пулс во мирување е знак за или лоша физичка подготвеност, висок крвен притисок и зголемен ризик за развој на инфаркт и смрт.
МАКСИМАЛЕН БРОЈ НА СРЦЕВИ ОТЧУКУВАЊА
Можете да го мерите пулсот и кога вежбате. Ова ќе ви даде претстава за тоа колку брзо ви чука срцето при голем напор – а максималниот број на отчукувања е најголемиот дозволен максимален број на отчукувања на срцето. За да дознаете колкав е вашиот максимален пулс, бројот на години одземете ги од 220. Кога сте ангажирани во умерено напорна активност, пулсот треба да биде помеѓу 64 и 75 проценти од максималниот пулс. А кога станува збор за многу напорна активност, тој треба да биде од 77 до 93 проценти од максималната срцева фрекфенција, а токму оваа мерка открива колкав капацитет за активност има вашето срце, и колку е поголем, толку помали се шансите да доживеете срцеви заболувања и смрт како последица.
КАКО ДА ГО МЕРИТЕ СРЦЕВИОТ ПУЛС ДОМА
Пулсот можете да го проверите на вратот или зглобот со ставање на средниот прст на внатрешната страна на зглобот над дланката на другата рака и да броите отчукувања на срцето 15 секунди. Бројот што сте го добиле помножете го со 4. Најдобро време за мерење на пулсот е наутро по будење. Не станувајте, туку прво проверете го пулсот.
За да го измерите пулсот за време на активноста, застанете накратко на средината на вежбата за да добиете најточни резултати.
