Уморните нозе се чест симптом на одредени состојби, но во поголемиот број случаи не се причина за загриженост. Зголемен ризик од уморни нозе имаат жените, старите и лицата со прекумерна тежина, како и трудниците. Зависно од нивниот причинител, уморните нозе најчесто се третираат во домашни услови со одредени креми или вежби.
СИМПТОМИ
Лицата кои имаат тешки и уморни нозе, често ги опишуваат како:
- Болни;
- Крути;
- Отечени;
- Чувствуваат трпнење;
ПРИЧИНА
Уморните нозе може да бидат резултат на различни фактори меѓу кои се:
Прекумерно користење на нозете – претераното користење на нозете при долготрајно пешачење, трчање, стоење или останати физички активности создава стрес на нозете и може да доведе до повреда. Лекарите советуваат доволен одмор на нозете пропорционално со личниот капацитет, за да не дојде до појава на синдром на уморни нозе. Доколку работното место бара долготрајно стоење, лекарите алармираат да се прават доволен број на паузи за одмор.
Недоволно користење на нозете – недоволната употреба на нозете за време на долготрајното седење или лежење, исто така, може да предизвика чувство на уморни нозе. Ако седите долго време, бидете активни барем пет минути на секој час. Ако, пак, лежите подолго време, можете да правите едноставни вежби на нозете и во кревет на секој час, како што е обчни подигнување и спуштање на нозете.
Лоша циркулација – умроните нозе може да се јават и како последица на лоша циркулација, која може да доведе и до насобирање на крв во долниот дел од телото. Циркулацијата може да се подобри со физичка активност и избегнување на тесна облека.
Грчеви во мускулите – претераниот замор (премногу пешачење, физичка активност и сл.) може да доведе до појава на грчеви во мускулите, а последично и до уморни и тешки нозе. Овие симптоми се намалуваат со соодветен одмор од физичкиот напор.
Хипокалцемија – оваа состојба се јавува кога во телото постои недостаток на калиум, кој може да доведе до појава на грчеви во мускулите и чувство на тежина во нозете.
Проширени вени – уморните нозе може да бидат и последица на проширени вени. Може да се јават со текот на годините или поради други фактори како што се прекумерната тежина и хормоналната нерамнотежа.
