Знаете ли дека работата на тироидеата можете да ја преконтролирате и со помош на телесната температура? Имено, температурата на телото веднаш по будење, ќе ви сигнализира дали со тироидната жлезда е се во ред и дали функционира како што треба.
Овој начин на проверка на активноста на штитната жлезда, пред 50 години го открил д-р Брод Барнс, америкаснки лекар. Тој телесната температура ја прогласил за моќен сојузник во детектирање на проблемите со оваа жлезда и осмислил едноставен тест кој може да го правите дома, во кревет, веднаш откако ќе се разбудите.
Барнс тест
Подготовката за тестот започнува навечер, пред спиење. Подгответе термометар и протресете го така што температурата што ја покажува да е пониска од 35 степени Целзизусови.
Утрото, откако ќе се разбудите, измерете ја температурата (најдобро е да го ставите термометарот под пазуви, на гола кожа и да го држите околу 10 минути). Температурата што ќе се прикаже на термометарот по мерењето се нарекува „утринска базална температура“. Напишете ја веднаш за да не заборавите колку изнесувала.
Тестот правете го три дена, за да бидете сигурни во неговите резултати.
РЕЗУЛТАТИ ОД ТЕСТОТ
- Ако температурата на термометарот е помеѓу 36,5 и 36,8 степени – тироидната жлезда работи нормално
- Ако температурата на термометарот е пониска од 36,5 C – тироидната жлезда работи намалено (симптоми на намалена функција на тироидната жлезда се депресија, недостаток на енергија, замор, инфекции, хронична главоболка, недостаток на меморија и концентрација, опаѓање на косата, итн.)
- Ако температурата на термометарот е повисока од 36,8 – тироидната жлезда работи забрзано или во телото е присутна инфекција
Затоа, ако температурата е под или над нормалните вредности, консултирајте се со доктор за да ја потврдите дијагнозата и да добиете стручен совет.
Температурата може да варира поради инфективни болести, кај жени во менопауза или кои имаат менструација. Затоа, направете го овој тест кога сте здрави и кога немате менструација.
