Ниското либидо ги засега како жените така и мажите. Многу жени немаат желба за водење љубов оправдувајќи се со познатото клише „главоболка“ или, пак, преправајќи се дека веќе спијат. Не мал дел од мажите, пак, од своја страна имаат проблеми со ерекцијата што им пречи да одржуваат здрави сексуални односи со партнерот.
Многу луѓе се помируваат со ниското либидо, сметајќи го за нормално или едноставно за нужен дел од стареењето. Вистината сепак е дека ако не е во прашање психолошка причина, намалената сексуална желба може да биде причинета од различни здравствени проблеми.
НИСКО ЖЕЛЕЗО
Железото е неопходно за да можат клетките да добиваат доволно кислород. Доколку нивото на железо во организмот е ниско, еден од симптомите може да биде и ниското либидо.
ДИСБАЛАНС НА ПОЛОВИТЕ ХОРМОНИ
За хормоните важи правилото на златна средина – нивото не треба да им биде ниту многу ниско ниту, пак, превисоко. Кога нивото на естроген, прогестерон и тестостерон е неизбалансирано, тоа може да го натеро лицето да се чувствува целосно незаинтересирано за водење љубов.
ЛЕКОВИ
Пиењето на различни лекови може да биде уште една можна причина за ниско либидо. Антидепресивите, лекови за крвен притисок, препратите против болка и антихистамините може да доведат до намалена сексуална желба и еректилна дисфункција.
СТРЕС
Може да се храните исклучително здраво, но ако умот ви е под постојан стрес тоа може во голема мера да го намали либидото.
НЕДОСТАТОК НА ХРАНЛИВИ МАТЕРИИ
Ниското ниво на хранливи материи како цинк и витамин Д може да го намалат либидото и да влијаат лошо на сексуалниот живот.
