Стручњаците наведуваат неколку причини зошто понекогаш се јавуваат вакви отоци на рацете.
ПРЕМНОГУ СОЛ
Внесувањето на чипс или било која друга пржена храна може да доведе до оваа појава. Телото сака да задржи доследна рамнотежа помеѓу солта и водата.
“Ако претерате со внес на сол, телото тоа го надоместува така што задржува повеќе вода. И затоа доаѓа до отекување“, објаснува проф. д-р Тами Олсен Утсет, професор на ревматолошкиот оддел на Универзитетот во Чикаго.
Таа објаснува дека отоците треба да исчезнат за еден ден, иако може да траат и подолго, зависно од количината на дополнителна сол во телото. Ако се намали венсот на сол, а отоците останат, посоветувајте се со својот лекар.
ОСТЕОАРТРИТИС И РЕВМАТОИДЕН АРТРИТИС
Доколку се јави оток на самите зглобови, можно е да станува збор за остеоартритис, особено ако прстите се отечени наутро. Освен болка и вкочанетост на зглобовите, оваа состојба може да даде и отоци на прстите. Физичката активност е најважен чекор во превенцијата, лекувањето и олеснувањето на тегобите. Помага и поттикнува циркулација, ги одржува зглобовите здрави и ја намалува болката бидејќи ги јакне околните мускули, што го намалува притисокот на зглобот и коската.
Ревматоидниот артритис може да предизвика отекување, исто како и воспалението на зглобови.
СИНДРОМ НА КАРПАЛЕН ТУНЕЛ
Ако сте на компјутер цел ден, поизложени сте на појава на синдром на карпален тунел, болка која се јавува во каналот кој е составен од коски на прегибот и лигаменти на шаката. Отокот е проследен со болка, пецкање, трнење во раката и прстите. Истражувањата покажуваат дека карпалниот тунел три пати почесто се јавува кај жените, отколку кај мажите.
БЛОКАДА ВО ЛИМФНИОТ СИСТЕМ
Лимфедем е отекување на рацете, нозете, дојките или било кој друг дел на телото каде се насобира невообичаена количина течност во ткивото. Кожата исто така може да стане тврда и подебела од вообичаено. Лимфедемот, велат стручњаците, се поврзува со операција или радијациски третман за рак на дојка. Во ретки слуачи, лимфедемот може да биде предизвикан од абнормален раст на лимфниот систем.
ПРЕЕКЛАМПСИЈА
Некои отоци се типични за бремените жени, но отоците на рацете и на лицето, особено ако при притискање со палец останува забележливо вдлабнување на кожата, може да биде предупредување за оваа состојба. Прееклампсијата е состојба која се карактеризира со висок крвен притисок, а ако не се лекува, може да предизвика оштетување на органите, вклучувајќи го и црниот дроб и бубрезите. Стручњаците наведуваат дека освен сериозни отекување, симптоми на оваа состојба се и замаглен вид, високо ниво на белковини во урината, силна главоболка…
ПРОБЛЕМИ СО БУБРЕЗИТЕ
Бубрези кои не функционираат правилно, не ја отстрануваат дополнителената течност од телото. Тоа доведува до ретенција на натриумот која предизвикува отекување на зглобовите, нозете и рацете.
ВЕЖБАЊЕ
За време на телесна активност, можно е да се забележи отекување на прстите и тоа поради зголемената потрошувачка на енергија. Телото имено произведува топлина, а за да се олади, крвотокот овозможува посилен проток на крв во прстите и во рацете.
