Група виролози и микробиолози од Холандија објави докази за Холанѓанка која починала откако втор пат се заразила со новиот коронавирус, што е прв ваков случај во светот.
Научниците анализирале примероци од 89-годишна жена, за која се покажало дека во различни моменти биле позитивни на КОВИД-19 и утврдиле дека станувало збор за две различни РНК, односно дека се работело за два различни вируси, за два различни случаи на заболување од КОВДИ-19. Нивната студија е објавена во Oxford University Press.
Станувало збор за пациентка која се лекувала од ретка малигна болест. Од првата инфекција и заболување таа успеала успешно да се опорави и толку брзо и било подобро што од болница ја отпуштиле по само пет дена. Два теста на КОВИД-19 покажале дека е негативна на инфекцијата.
Во моментот кога пациентката повторно дошла во болница, овој пат на редовна хемотерапија, од нејзината инфекција со коронавирус поминале два месеци. Но, хемотерапијата морала да се одложи бидејќи добила зголемена телесна температура, кашлица и се потешко дишела. Новиот тест на КОВИД-19 покажал дека повторно е позитивна. Осум дена по втората инфекција со новиот коронавирус, состојабата на пациентката се влошила и два месеци од почетокот на повторната зараза таа починала.
Ова е прв случај во светот каде е забележано лице кое по втор пат се инфицирало со новиот коронавирус да почине. Досега официјално се евидентирани вкупно пет случаи на реинфекција со SARS-CoV-2.
