Многумина за време на пандемијата со новиот коронавирус наишле на контролни точки на работното место или во здравствените установи кои не можат да се поминат без мерење на телесната температура и одговор на прашањето дали некаде сме патувале или сме биле во контакт со заразено лице. Иако не се бескорисни, тие постапки се недоволни, бидејќи кај повеќето лица не се јавува покачена температура или таа не е прв симптом, а многумина не знаат дали биле во контакт со заразено лице.
Ненси Росон, биолог, смета дека би било подобро да се мери способноста на осетот за мирис како би се утврдило кој треба да се испрати на тестирање за коронавирус.
Нова анализа на студиите за коронавирус утврдила дека кај 77 проценти од заболените со КОВИД-19 со тестирањето е воочено делумно или целосно губење на осетот за мирис. Од тие, 44 проценти од испитаниците биле свесни за губењето на осетот за мирис и без тестирање.
Губењето на чувството за мирис заедно со воспаление на грлото исто така е еден од нарајните симптоми што го прави покорисна алатка од подоцните симптоми во обезбедувањето на заштита на други лица од инфекцијата, вели Росон.
“Тоа е еден од најраните симптоми и секако му претходи на зголемената телесна температура. Губењето на осетот за мирис сам за себе подобро ја предвидува дијагнозата од покачената температура. Немањето осет за вкус исто така може да се случи, но е помалку чест и често е поврзан со немањето мирис“, вели таа.
ТЕСТ ЗА МИРИС
Тестот се состои од три ленти од кои две немаат никаков мирис, а третата содржи познати мириси на кафе, чоколадо, пуканки и плин. Испитаниците мораат да одредат која лента содржи мириси, за кои мириси станува збор и со кој интензитет се.
Проф. Росон вели дека може да замисли да поголем број на работодавачи воведат тест за мирис и дека цената на еден тест би била еден долар, а лицата кои тој тест ќе ги издвои како суспектни, потоа би се испратиле на поскапо тестирање на коронавирус.
За оние кои сакаат дома да си го тестираат осетот за мирис, Росон вели дека на располагање им се бројни производи како кафе, парфем, босилек, рузмарин, паста за заби со мирис на ментол, рози.
Осетот за мирис може да биде оштетен и кај лица со Паркинсонова или Алцхајмерова болест, па таквите тестови би можело да ги поттикнат лекарите да ја испитуваат и можноста за постоење на тие невродегенеративни болести.
Губењето на мирис се појавува и при грип, но не така често како кај КОВИД-19 и околу 60 проценти од заболените од грип го враќаат изгубениот мирис.
