Долготрајниот престој на сонце без соодветна заштита може да доведе до сончаница, многу сериозна состојба која бара итна медицинска помош. Во продолжение неколку совети како сами да си помогнете доколку се најдете во таква ситуација.
Симптомите на сончаница вклучуваат зголемена температура (до 41°C), црвена и сува кожа, забрзан пулс и плитко дишење, главоболка, немир и замаеност. Ако овие алармантни знаци се игнорираат, со понатамошното изложување на сончеви зраци следува малаксаност, зуење во ушите, вртоглавица, а на крајот, кома и фатален крај.
Надоместувањето на изгубената течност и електролити е примарна цел ако некое лице е погодено од сончаница
Секогаш побарајте медицинска помош ако се сомневате на сончаница. Во меѓувреме, се советува лицето да се премести во ладна присторија, да се ослободи од вишокот на облека и по можност да се потопи во ладна, но не и ледена вода. Исто така, може да помогне и замотување во влажни пешкири. Ако лицето е свесно, понудете му вода, спортски изотоничен пијалак или каква било течност која ви е во близина.
Нека пие со мали голтки, колку што може. Кофеинските и алкохолни пијалаци во никој случај не се соодветни, бидејќи ќе предизвикаат понатамошна дехидрација. Надоместувањето на изгубената течност и електролити е примарна цел ако некое лице е погодено од сончаница, а најдобри се изотоничните пијалаци, кои можете да ги подготвите и сами на едноставен начин:
- Измешајте половина литар вода со половина литар свеж природен овошен сок (портокал, јаболко, лимон, грејпфрут) и добро оладете.
- Измешајте 200 милилитри овошен сок со 800 милилитри вода и еден грам сол и добро оладете.
- Измешајте еден литар топла вода со 50-70 г шеќер, 200 милилитри незашеќерен свеж природен овошен сок и еден грам сол и оладете добро.
Наместо изотоничен пијалак можете да изедете нешто солено како крекер и да се напиете доволно вода. Намирници кои се препорачуваат после сончаница првенствено се сезонско овошје и зеленчук, лубеници, дињи, краставици. Во зависност од состојбата, може да изедете и банана, која, на пример, ќе ви го надомести изгубениот калиум. И супата е добар избор.
Во суштина треба да бирате намирници кои се богати со течност и се лесно сварливи. Како што се подобрува здравствената состојба, така се смируваат и симптомите, па полека може да се воведува лесна медитеранска исхрана и со тек на време да се вратите на стандардната исхрана. Се разбира, доколку здравствената состојба се влоши во кое било време, треба веднаш да побарате медицинска помош.
