Mногу е важно да бидете свесни за промените на кожата кои се јавуваат поради изложеност на студено време. Смрзнатините се локални акутни оштетувања на кожата и поткожното ткиво предизвикани од студ. Оштетувањата настануваат после долга изложеност на екстремен студ, а најчесто се зафатени периферните делови на телото: носот, ушите, прстите, рацете и нозете.
Смрзнатата кожа е тврда на допир, бледа, ладна и во таа област лицето нема осет. Ако премрзнатото лице го затоплиме, зафатената кожа ќе порумени и ќе биде многу болна. Во екстремни случаи може да се појават меури, гангрена (црно некротично ткиво) и длабинско оштетување на ткивото во тетивите, мускулите, нервите, па дури и коските.
Симптоми
Брзината со која се развиваат смрзнатините и степенот на нивна сериозност зависи од температурата, а дополнително влијае ветерот, степенот на влага во воздухот или состојбата на периферната циркулација на пациентот.
Смрзнатините често доаѓаат заедно со хипотермија – состојба опасна по живот, предизвикана од изложеност на екстремен студ или долга изложеност на благ студ. Симптоми на хипотермија вклучуваат треска, вкочанетост на мускулите, подуеност на лицето, лоша координација, конфузија и ниско ниво на свесност.
Што треба да направите во случај на појава на смрзнатини и хипотермија?
- Смрзнатото лице пренесете го во топла просторија и соблечете ја целата облека која е тесна и го стега. Ладните раце загрејте ги меѓу нозете, а стапалата или носот покријте ги и грејте ги со рацете. Меѓутоа, ако смрзнатините се длабоки и веќе се формирале меури, немојте да ги притискатe, туку покријте ги со стерилна газа.
- Ако стапалата се зафатени со смрзнатини, не се препорачува одење. Замрзнатите делови мора да бидат имобилизирани на стандарден начин, но никако немојте да ги стегате екстремитетите. Смрзнатото лице легнете го, а нозете ставете ги на повисоко.
- Немојте да ги триете смрзнатите делови од телото со снег или рацете, ниту пак да ставате ткаенини натопени во врела вода зашто тоа само ќе ја влоши ситуацијата и ќе предизвика инфекција.
Aко смрзнатините се длабоки и веќе се формирале меури, немојте да ги притискатe, туку покријте ги со стерилна газа - Замрзнатите делови од ткивото не смеат нагло да се загреваат со топла вода. Смрзнатото лице прво треба да се загрее „одвнатре“ со чај или топла супа, па потоа може да се греат замрзнатите делови од телото со топла вода (никако жешка – температурата нека биде околу 15 степени). Зголемувајте ја температурата за пет степени на секои пет минути, до максимална температура од 40 степени.
Ако се сомневате на смрзнатини и хипотермија, не губите време и веднаш побарајте лекарска помош.
