Сите знаеме дека минералите се исклучително важни за нашето севкупно здравје, но и медицинските стручњаци тврдат дека недостатокот на витамини и минерали може да предизвика сериозни здравствени проблеми.
Дали знаете дека човековото тело содржи околу 57 г магнезиум од кои најголем дел се наоѓа во забите и коските, но одредено количество има и во срцето и мозокот, па дури и во крвта? Исто така, би требало да знаете и дека на секоја ќелија во организмот и е неопходен магнезиум за правилно да функционира.
Овој неверојатен и здрав минерал е одговорен за повеќе од 300 метаболички функции во човековото тело. Медицинските стручњаци тврдат дека причина за недостатокот на магнезиум во телото кај голем број луѓе е модерниот и нездрав начин на живот, кој врши физички и ментален притисок на организмот, кој во стресни ситуации побрзо го троши магнезиумот што се внесува во телото.
Дневниот внес на магнезиум би требало да биде од 500 до 1 100 милиграми. Лекарите предупредуваат дека дефицитот може да предизвика остеопороза, хронична исцрпеност, несоница, тикови на лицето, грчеви во нозете, анксиозност, иритабилност, мигрена, депресија и срцеви болести.
Исто така, би требало да знаете дека адекватниот внес на магнезиум го подобрува снабдувањето на мозокот со кислород и на тој начин им помага на болните од Алцхајмерова болест, додека, исто така, е докажано со некои студии дека личностите кои патат од Паркинсонова болест имаат ниско ниво на магнезиум во мозокот.
Дефицитот на магнезиум, исто така, се поврзува со одделни хронични болести како метаболички синдром или дијабетес тип 2.
Магнезиум за вашето тело и ум
Доколку сакате да го зголемите внесот на магнезиум консумирајте храна која содржи големи количества од овој минерал како интегрални житарки, риба, спанаќ, ќељ, мешунки, црно чоколадо, јаткасти плодови, авокадо и разни видови семки како лен, просо, сончоглед, чиа и семки од тиква.
Потребните количества можете да ги внесете и преку суплементи, кои содржат кофактори на магнезиум: глицинат, таурин, оротат и малат – затоа што тие полесно се апсорбираат од останатите облици.
Што тие можат да сторат за вас?
Магнезиум глицинат за вашиот ум
- Ја контролира иритабилноста, анксиозноста, несоницата и хистеријата;
- Ја намалува психичката вкочанетост и депресијата;
- Има ефект на лаксатив;
- Може да помогне со долготрајните дефицити;
- Го смирува и опушта телото.
Магнезиум оротат за телото
- Ги подобрува атлетските способности;
- Ја подобрува функцијата на срцето.
Магнезиум малат за мускулите
- Помага при лекување на фибромијалгија;
- Ја намалува исцрпеноста на мускулите;
- Ги олеснува предменструалните симптоми и главоболките;
- Го подобрува варењето (неопходно е да се консумира со оброци);
- Ја обновува енергијата.
Магнезиум таурин за срцето
- Ја подобрува функцијата на срцето;
- Спречува мигрени;
- Ги намалува палпитациите на срцето и аритмијата.
