Не постои универзално правило кое открива во која година од животот ќе ги видите првите бели влакна во косата. Дотолку повеќе, тие често немаат никаква врска со годините. Кај некои луѓе може да се појават уште додека се во средно училиште, а можеби и порано. Сепак, тие имаат врска со стареењето, но ,како што појаснуваат дерматолозите, со стареењето на меланоцитот во фоликулите на косата. Односно со стареење на клетките задолжени за производство на пигмент.
Тие престануваат да произведуваат меланин, а реузлтатот е сива или бела коса. Отприлика до 50-та година од животот повеќето луѓе веќе напола побелуваат.
Но дали знаете дека (пре)раното побелување може да упатува на сериозни здравствени проблеми?
Студија објавена на Конференцијата на кардиолошкото здружение во Индија покажала дека мажите помлади од 40 години кои прерано обелеле имаат пет пати повеќе шанси за развој на коронарна болест. Односно, прераното појавување на бели влакна може да биде поврзано со срцеви проблеми.
Освен тоа истражувањата покажуваат дека стареењето на меланоцитите може да биде резултат на биолошки процес кој може да ги оштети здравите клетки и ткивото. Токму затоа лекарите советуваат да побарате мислење од стручно лице ако обелите пред 35-та година од животот.
