Кератоконус е болест на окото, поточно на рожницата. Рожницата која нормално има полукружен облик станува сѐ потенка и исфрлена како конус. Пореметувањето на обликот на рожницата го пореметува и правилниот влез на светлината во окото и нејзиното фокусирање на мрежницата и последица е пореметувањето на видот.
Рожницата, коронеа, е проѕирниот надорешен дел од окото, со облик на полукруг. Го прекрива предниот дел од окото и овозможува влез на на светлосните зраци и нормален вид. Иако е проѕирна и изгледа како да и недостасува ткиво, градена е од високо организиран збор на клетки и протеини. За разлика од поголемиот дел од ткивото во телото, рожницата нема крвни садови кои би ја хранеле и би ја штителе од инфекции. Наместо тоа храна прима од солзите и очната водичка која ја исполнува очната комора зад неа. Рожницата мора да е проѕирна, за правилно да ја прекршува светлината.
Возраста кога се јавува кератоконус е најчесто до триесеттата година, а многу ретко подоцна. Најчесто се појавува до шеснаесетата година, а почетокот на симптомите може да се појават и од шестата година. Кератоконус се јавува кај обата пола подеднакво.
Многу често првите симптоми на болеста се кратковидоста и астигматизам, па пациентите и не знаат дека ја имаат. Рожницата брзо или бавно се истенчува, а со тоа и слабее видот. Пациентите често имаат двојни или тројни слики на едното око и се жалат на изобличени слики. Кај некои пациенти се јавуваат и кругови светлина или пак пречувствителност на светлина. Понекогаш, во текот на болеста настанува и нагло губење на видот заради пукање на рожницата и навлегување на очната водичка, т.н. хидропс.
