Секоја година познатиот американски бренд на бебешка храна „Гербер“ организира натпревар за избор на ново детско лице кое ќе биде заштитно лице на нивната марка на храна.
Оваа година за местото „Gerber Spokesbaby“ се натпреваруваа повеќе од 140 000 бебиња, но победникот е само еден. Преслаткиот едногодишен Лукас Ворен стана првото Гербер бебе со Даунов синдром, а неговата неодолива насмевка ќе ги краси производите и постовите на социјалните мрежи на оваа марка. Изборот на Лукас наиде на голема поддршка кај јавноста.
Лукас е првото избрано бебе со Даунов синдром во 91-годишната историја на компанијата
Освен што е заштитно лице на производите, тој ќе добие и 50 000 долари награда.
Неговата мајка Кортни Ворен, се надева дека изборот на нејзиниот син ќе придонесе за подигнување на јавната свест за лицата со попреченост. Истовремено активистите се надеваат дека Лукас ќе помогне да се охрабрат и бремените жени кои носат бебиња со Даунов синдром да му се спротивстават на абортусот.
