Претераната грижа остава последици на менталното и физичкото здравје, а може да резултира со стрес, депресија, замор и лоша здравствена состојба. Дали знаете дека претераната грижа може да го зголеми и бројот на отчукувања на срцето, го отежнува дишењето и предизвикува бледило на лицето?! Крвта се повлекува од површината и оди во мускулите за да се подготват за нова грижа – тензија, која може да резултира со болки, главоболки и слабост во нозете, а се јавуваат и дијареја или запек.
Кога грижата ќе стане хронична, личноста станува подложна на инфекции. Високото ниво на анксиозност и стрес го слабеат имуниот систем, што доведува до чести настинки, но и други посериозни проблеми.
Сепак, има и добри вести – мозокот буквално може да се истренира да престане да се грижи! Правете ги следnите три работи и ќе си ги спасите и здравјето и психата:
Запишете ги грижите
Најдобар начин да ги проверите грижите е да ги запишете на лист хартија. Тоа ќе ви помогне да ги отфрлите сомнежите или да ги сфатите како конкретен проблем, а потоа можете да најдете и решение.
Медитирајте
Познато е дека медитацијата може да ги залечи и телото и душата. Многу студии утврдиле дека медитацијата ја поправа менталната стабилност. Кога се чувствувате напнато одвојте неколку моменти за себе и медитирајте. Само две минути се доволни да ги исчистите мислите.
Вежбајте
Уште еден начин да го натерате мозокот да престане да се грижи е стресот да го исфрлите со вежбање. На почетокот може да биде тешко, но редовното вежбање ќе ви помогне да ја вратите контролата над својот живот. Ќе се ослободите од стресот и ќе го зајакнете и психичкото и физичкото здравје.
