Многу жени за време на менопаузата доживуваат нагли промени во расположението. Менопаузата се набљудува како период на драстични промени, а жените се чувствуваат како да напуштаат еден важен дел од животот и влегуваат во нешто неизвесно и непознато приближувајќи се кон староста. Со самото тоа се појавуваат одредени непредвидени емотивни реакции.
Постојат повеќе фази на менопаузата, а секоја е процес за себе подразбирајќи посебни симптоми.
Перименопаузата претставува период кога нивото на естроген во телото почнува да опаѓа и се јавуваат симптоми како нагли промени во расположението и бранови на топлина (валунзи). Менопаузата најчесто настапува кога жената во период од 12 месеци не добива ниту една менструација. После таа фаза доаѓа до постменопауза – период во кој многу жени кај себе забележуваат големи промени во емотивната состојба. Според податоците на Северноамериканското здружение на жени, во менопаузата речиси 23 отсто од припадничките на понежниот пол чувствуваат психички промени во сите 3 фази на менопаузата.
За некои жени, особено оние кои земаат хормонска терапија или им е отстранета матката, промените во расположението се прв знак дека влегуваат во менопауза. Во зависнот од организмот на жената и менталната состојба психичките промени во менопаузата и перименопаузата се различни, но за некои жени можат да бидат многу тешки и непријатни.
Психички симптоми кои укажуваат дека ќе влезете во менопауза:
Нервоза – според истражувањата речиси 70 отсто од жените чувствуваат нервоза во периодот пред менопаузата. Стануваат помалку толерантни и полесно може да се изнервираат и вознемират.
Депресија – тоа е сериозно психичко пореметување кое бара преглед, дијагноза и следење од страна на стручно лице, а се јавува кај 1 од 5 жени во менопауза.
Анксиозност – многу жени во менопауза чувствуваат тензија, нервоза, загриженост и имаат напади на паника.
Епизоди на плачење и тага – во текот на менопаузата жените стануваат чувствителни, полесно плачат и можат да бидат погодени од работи на кои инаку не би реагирале. Но солзите понекогаш се лековити затоа што го регулираат нивото на стрес.
