Дури и ако плакарот ви е преполн со разнобојни парчиња, секогаш постои таа една боја на која и давате макар и блага предност, затоа што во неа се чувствувате најудобно и имате многу повеќе самодоверба. Токму таа боја го открива вашиот карактер. Еве што која боја всушност зборува за вас, а вие ниту претпоставувате колку тоа другите луѓе го забележуваат:
Црна
’Ова е боја која се сфаќа сериозно’, вели модниот експерт Карен Хелер. И навистина, ако може да им се верува на психолошките истражувања, црната боја луѓето ја гледаат како индикатор на престиж, моќ, сериозност и интелигенција. Токму заради тоа и одорите кои ги носат дипломираните студенти на доделувањето на дипломите ширум светот главно е црна. Луѓето кои сакаат црна боја се амбициозни, но и чувствителни. Лесно може да бидат повредени, иако со сите сили се трудат да го сокријат тоа. Црната боја им помага да се стопат со масата кога е во прашање облеката, затоа што тие повеќе сакаат да се истакнат со внатрешните квалитети.
Кафеава
Бојата на земјата, бојата на рационалното, доверливото, силното, стабилното и интелигентното – вака луѓето кои ја носат оваа боја изгледаат во очите на луѓето околу себе. Личностите на кои кафеавата им е омилена боја се благо конзервативни, ги почитуваат постарите и во животот тежнеат кон мир, стабилност и сила.
Сина
Сината боја е доказ за самодоверба, доверба и доверливост, можеби и затоа повеќето деловни одела и униформи се во оваа боја. Едно истражување покажало дека темносината боја има смирувачки ефект, додека сите нијанси на оваа боја се поврзуваат со интелигенција, доверба, ефикасност и смиреност. Облеката во сина боја ја бираат љубезните, чувствителни и срамежливи луѓе. Психолозите истакнуваат дека луѓето кои ја сакаат сината боја се одлични родители и вредни работници. Нивни главни одлики се смиреноста и урамнотеженоста.
Зелена
Холандските научници тврдат дека зелената боја обезбедува добро расположение како за личноста која ја носи така и за опкружувањето.
“Пријатноста која ја создаваат зелените нијанси доаѓа од природата, која во луѓето буди мир и задоволство“, објаснива Леатрис Измен, стручњак за бои. Личностите кои носат зелена облека обично водат активен, јавен живот, живеат во пријатни, фини населби и финансиски се стабилни. Исто така, се нежни, љубезни и имаат меко срце.
Виолетова
Уште од дамнина виолетовата боја е симбол на кралските семејства и високото друштво. Означува софистицираност, богатство и луксуз. Познато е дека Клеопатра ја обожавала оваа боја, а во нејзино време само богатите можеле да си дозволат на себе парчиња во нијанси на виолетовата боја. Денес таа означува креативност и љубов кон уметноста. Ако може да им се верува на експертите луѓето кои ја сакаат оваа боја се емотивни и чувствителни. Големи сонувачи, ја сакаат мистиката и мошне се страствени. Исто така, се познати и како непредвидливи и соочувањето со нив може да биде и лесно и проблематично во исто време.
Црвена
Црвената е боја моќта и страста. Ако сакате некого да воодушевите облечете се во црвено. Светлите нијанси на црвената привлекуваат внимание, а личностите кои сакаат да ги носат се енергични, возбудливи и секогаш во движење. Психолозите сметаат дека мажите многу повеќе ги привлекуваат жени во црвена, отколку во облека во друга боја.
„Црвеното е стимуланс за мажите“, вели психологот Еби Калиш. Личностите кои носат црвено се ведри, лесно се вклопуваат во друштво, но и се благо егоцентрични и склони на пороци.
Жолта
Боја на среќата, сонцето и насмевката. Студиите покажуваат дека жолтата боја го поттикнува производството на серотонин, хормон на среќата, го забрзува метаболизмот и го поткрева расположението. Исто така, се верува дека жолтата ја засилува концентрацијата и вниманието, па токму затоа и често се користи на билбордите, рекламните страници и знаците на патот. Експертите велат дека жолтата облека ја преферираат активни, посветени и креативни личности. Тие се ведри, сонувачи и големи авантуристи, секогаш подготвени за нови искуства, истражувања и освојувања.
Бела
Симбол на слободата, чистотијата, невиноста и едноставноста. Затоа многумина решаваат да купат нешто бело кога почнуваат со нешто ново или влегуваат во ново животно поглавје. Белата облека ја бираат луѓето кои се доверливи и ја сакаат слободата и на животот гледаат со голем оптимизам. Мошне се уредни и организирани, се што прават изгледа како нов почеток и тежнеење кон совршенство. Неутрална боја е и никого не одбива.
Портокалова
Боја која во секоја пригода носи позитивни вибрации. Важи за топла, но опортунистичка боја. Ја носат весели, креативни и атрактивни луѓе, полни со оптимизам, енергија и радост. Личностите кои сакаат портокалова облека се секогаш подготвени за промена, но и малку чудни, амбициозни и внимателни.
Сива
Сивата е бојата на балансот. Ни светла ни темна и ги означува луѓето кои сакаат да останат незабележани. Сивата е симбол на смиреност и зрелост, а многумина почнуваат да ја носат, дури во средните години. Со оглед на тоа дека спаѓа во неутралните бои, тешко е да се одреди карактерот на личноста која ја преферира. Во прашање можат да бидат личности кои без противење играат според правилата, но и осудувачки настроени, категорични и личности без емоции. Сепак, во повеќето случаи, сивата ја одбираат луѓе кои не сакаат да привлекуваат внимание и се држат од страна.
Розова
Светлорозовата е боја на флерт, но ја одбираат и мошне женствените дами. Нежната розова, пак, е симбол на смиреност и топлина и важи за боја со седативно дејство. Дали сте знаеле дека во некои затвори ѕидовите се бојадисани во розова, за да се намали нивото на агресија на осудениците? Психолозите оние личности кои ја сакаат оваа боја ги означуваат како романтични, оптимистични и самокритични личности. Тие се луѓе кои ја ценат љубезноста и комфорот над се.
