Опсесивно-компулсивното пореметување (ОКП) е ментална состојба која се карактеризира со опсесивни мисли кои и тоа како можат да влијаат на квалитетот на живот. Оваа болест е се почеста, предупредуваат психолозите, а истражувањата покажале дека 1 % од Американците патат од некој вид на ОКП. Иако не постојат тестови кои со сигурност можат да покажат дали некоја личност има ОКП, психолозите наведуваат некои од најчестите симптоми од кои личноста со ОКП нарушување пати.
Миење раце
Еден од најчестите симптоми на ОКП е ’лудо’ миење на рацете заради страв од болести предизвикани од бактерии. Ова се поврзува со подлабоки психолошки пореметувања, а коренот, според психолозите, се крие во тоа дека личноста е длабоко неморална и со миењето на рацете всушност сака да се „измие“ себе.
Опсесивно чистење
Личноста која пати од ОКП најчесто има тенденција константно нешто да чисти, преместува и средува. Лесно може да развие фобија од бактерии, а желбата за чистење се засилува со текот на времето.
Постојано проверување
Веројатно, на сите ни се случило да не се сетиме дали сме го исклучиле шпоретот или пеглата, па сме се враќале да провериме?! Ова е мошне честа појава, а прераснува во ОКП во оној момент кога личноста по неколку пати на ден се враќа за да ги провери светлата, шпоретот, пеглата, бравата… Психолоизите тврдат дека причина за постојаните проверки е стравот од одбивање, но големо влијание има и неодговорноста.
Броење
Некои луѓе кои патат од ОКП имаат тенденција да бројат, на пример, за време на качување скали. Ова однесување е предизвикано од суеверија, дека, на пример, бројот 13 носи несреќа.
Организација
ОКП личностите го организираат секој спектар од својот живот до перфекционизам. Дали е во прашање редење по парови, бои, симетрично или совршено рамно, оваа ОКП карактеристика е поврзана со опсесијата за совршен ред и страв од губење контрола.
Стремеж за прифаќање
Личностите со ОКП постојано ги преиспитуваат своите одлуки и мошне им е важно каков впечаток оставаат на другите.
Опсесивно-компулсивното пореметување, предупредуваат психолозите, може да го отежни и дури оневозможи нормалниот живот. Доколку однесувањето на ОКП личноста негативно влијае врз секојдневните животни активности потребна е помош.
