Осаменоста не е само чувство. Осаменоста е биолошки знак кој предупредува дека треба да побараме други луѓе, како чувството на глад кое не тера во потрага за храна или чувството на жед кое не поттикнува да пиеме вода, вели психологот и научник Џилијан Холт-Лунстад.
Според неа, заклучоците од неколку претходни студии во кои биле вклучени 3,4 милиони лица а се однесувале за поврзаноста помеѓу социјалната изолација, осаменоста и едночлено семејство. Резултатите до кои таа дошла уште во 2015. сега стануваа уште позначајни кога светот се соочува со пандемија на коронавирус. Се покажало дека чувството на осаменост, социјалната изолација и самачкиот живот го зголемуваат ризикот за предвремена смрт (од 26 до 32%), без разлика на годините, полот местото на живеење и културата.
Психолозите предупредуваат дека по коронавирусот може да се очекува епидемија на осаменост. Тие пресметале дека долгорочните ефекти на осаменоста предизвикуваат еднаква штета како и пушењето 15 цигари на ден. Според д-р Су Варма, осаменоста може да биде тригер за мозочен и срцев удар, дебелина и појава на деменција.
Осаменоста го зголемува ризикот и за развој на клиничка депресија. Една епизода на депресивно пореметување, односно депресивно расположене кое трае подолго од две недели и е проследено со најмалку пет од девет симтпоми со кои се утврдува депресијата, ја удвојува можноста за појава на други депресивни епизоди.
Симптомите може да вклучуваат нерасположеност, губење на интерсот за активност која ни претставувала задоволство, вина, недоволно енергија, потешкотии со концентрација, недоволно апетит и промена на телесната тежина, несоница…
Две епизоди на депресија го зголемуваат ризикот од развој на трета епизода за 75%, три епизоди за 95% ја зголемуваат веројатноста за појава на четврта епизода и така натаму. Кругот на депресија станува тешко раскинлив, предупредува д-р Варма.
За време на коронавирусот осаменоста може да се појави кај многу луѓе, а мерките за помош сега се ограничени. Поврзаноста со луѓето и сега е клучна за преживување. Но, во време на социјална изолираност која е апсолутно потребна, решение е користењето на технологијата на здрав социјален начин. Затоа останете во контакт со луѓето лице во лице, но на далечина.
