Психолозите тврдат дека изолираноста води кон депресија, додека времето во друштво на драгите личности, директно влијае на подобрувањето на квалитетот на живот.
Осаменоста има негативни ефекти на психичкото, но и физичкото здравје, а некои од нив се издвоени во продолжение како препознатлив апел кој го испраќа организмот:
Депресивни чувства
Изолацијата влијае на промената во нашето расположение и ги побудува негативните мисли, затоа е мошне важно, иако можеби тоа не го правите секојдневно, да сте во контакт со луѓето кои ги сакате.
Губење на свеста за реалноста
Изолацијата постепено води до самоотуѓување. Депресивните и осамени личности постепено губат слика за реалноста, па повторниот обид за социјализација им буди дополнителна анксиозност.
Намалена способност за тимска работа
Доколку премногу време поминувате сами на работа ќе ви биде тешко во тимската работа да го дадете својот максимум, а вашата продуктивност ќе биде сведена на минимум.
Оневозможено чувство за емпатија
Осамените луѓе со текот на времето се навикнуваат сами на себе и не умеат емотивно да се поврзат со другите луѓе, затоа и повеќе не ја чувствуваат болката и патењето на другите луѓе. А самиот факт дека не ги разбираме другите, укажува на тоа дека веќе не се разбираме ни себе.
Ако кај себе забележите барем еден од овие симптоми, организирајте вечера со вам драгите луѓе и запаметете ЕДЕН ДЕН за себе е сосема доволен!
