Псоријазата е хронична воспалителна болест на кожата која се манифестира со ограничени црвени плочки прекриени со сребрено-бели лушпи. Од оваа болест боледува од еден до три отсто од светската популација, а се појавува подеднакво кај мажите и кај жените. Се јавува во било која возраст, но според истражувањата, кај половината од заболените првите симптоми се појавуваат пред 25. Година. Освен кожата, псоријазата редовно ги зафаќа и косата и ноктите, а во некои случаи и глобовите на пациентите, што се манифестира како псоријазен артритис кој може да создаде траен инвалидитет.
Псоријазата е хронично заболување кое не се пренесува и не е заразно, а може да се контролира со медикаменти. Псоријазата се појавува кај лица кај кои имунолошкиот систем добива погрешни сигнали кои предизвикуваат пребрзо обновување на клетките на кожата. Во потешките форми може да доведе и до метаболни болести кои ги оштетуваат органите и го скратуваат животот на болниот.
Иако псоријазата не е заразна, заради неупатеноста на поголемиот дел од луѓето и заради непријатниот изглед на болниот, се случува пациентите често да се стигматизирани од јавноста.
