Студиите покажуваат дека бројот на отчукувања на срцето во состојба на мирување може да предивиди ризик од срцев удар кај жените, кои ја поминале менопаузата.
Пулсот кај жените во состојба на мирување укажува на опасност од добивање срцев удар, независно од останатите ризик фактори, како пушењето и консумирањето алкохол, велат стручњаците.
Тим на научници анализирал податоци на 129.135 жени кои ја поминале менопаузата и кои немале историја на срцеви болести. Нивниот пулс бил мерен на почетокот на истражувањето, кое траело осум години. Стручњаците утврдиле дека кај жените со побрз пулс – околу 75 отчукувања во минута, шансата за добивање срцев удар била поголема, отколку кај жените чии пулс во просек изнесувал 62 отчукувања во минута.
Притоа, врската помеѓу пулсот и срцевиот удар била еднакво силна, независно од останатите ризик фактори. На неа не влијаеле физичката активност, дијабетесот, високиот крвен притисок, ниту зголемениот холестерол во крвта, истакнала Џудит Хсиа, професор на Универзитетот во Вашингтон и автор на истражувањето.
Дури и по земањето предвид на ризик факторите како нервоза, депресија, никотин, алкохол и телесна состојба, заклучокот останал ист. Жените со зголемен број на отчукувања на срцето во минута и натаму биле во поголема опасност од добивање срцев удар.
Поврзаноста на пуслот во состојба на мирување и ризикот од коронарни заболувања се покажала поголема кај жените помлади од 65 години.
