Здравите бубрези допринесуваат за здравјето на целиот организам бидеќи ги елиминираат токсините од телото, а кога ќе се преотоварат од нив, може да се појави болест на бубрезите и на мочниот меур. За тие правилно да функционираат, пожелно е да се избегнуваат одредени навики, како пушење, консумирање преголеми количии на протеини или сол…
ПРЕМНОГУ ПРОТЕИНИ
Протеините се исклучително важни за здравјето, но ако бубрезите не функционираат правилно, претераната консумација може само да им наштети. Посоветувајте се со лекар, ако е потребно да се намали внесот на протеини, а може, како здрави извори да се најдат во јајцата, рибата и јаткастите плодови.
СОЛ
Исхраната која се темели на внес на солена храна го зголемува ризикот од бубрежни камења, бидејќи голема количина на сол доведува до таложење на калциум во бубрезите, а не во коските и тогаш е поголем ризикот од појава на камења во бубрезите. Јадете помалку преработена храна, а солта како зачин заменете ја со зачински билки.
ПУШЕЊЕ
Цигарите и димот влијаат на работата на бубрезите. Може да доведат до слаб проток на крв во бубрезите поради што ќе се блокира исфрлањето на токсини за што се задолжени бубрезите.
ГАЗИРАНИ ПИЈАЛАЦИ
Ако пиете повеќе од два газирани пијалока во денот, поголеми се шансите да се јаваѕ проблеми со болести на бубрезите. Во едно истражување е наведено дека кај жените кои пијат вакви пијалаци се забележува послаба работа на бубрезите и тоа за 30% по 20 години во споредба со оние кои не ги консумираат.
ДЕХИДРАЦИЈА
Водата им помага на бубрезите во елиминацијата на токсини и спречувањето на појава на камења во бубрезите и инфекции, додека дехидрацијата го зголемува ризикот од тегоби со бубрезите за 20%.
ПРЕТЕРУВАЊЕ СО ЈАДЕЊЕ
Млади лица кои имаат прекумерна тежина се посклони кон развој на болести на бубрезите. Стручњаците сметаат дека кај околу 36% од случаите на хронична бубрежна болест кај повозрасни лица може да се спречи со одржување на нормална телесна тежина до староста.
