Во склоп на истражувањето научниците испитувале како тутунот може да го предизвика процесот познат како ДНК метилација, инаку тесно поврзана со развој на коморни болести на срцето. Истражувањето ја нагласува важноста на резултатите затоа што метилацијата ги регулира гените, а со самото тоа влијае и на развојот на сите болести поврзани со пушењето. Откриено е дека кај личностите кои престанале да пушат ефектите од пушењето се уште се гледаат во нивната ДНК. Истражувањето споредило примероци од крв на 15 907 личности кои се пушачи, поранешни пушачи, како и личности кои никогаш не пушеле. Утврдено е дека метилацијата во гените постои кај повеќе од 7000 испитаници. Третина од таа бројка припаѓа на пушачите, а кај непушачите и поранешните пушачи е сведена на минимум.
Кај некои личности метилацијата на ДНК е присутна и после 30 години од оставање на цигарите. Истражувањето открива дека статистички најзначајните метилации се поврзани со сите познати болести каде цигарите се директна причина, како болести на срцето и некои карциноми.
Доказите дека пушењето има долготрајно влијание на ДНК, како и дека после оставањето на цигарите се враќа во нормала охрабруваат и значат дека телото се обидува да се излечи од штетното влијание. Овие наоди можат да придонесат за идните третмани од одвикнување така што би можеле да бидат насочени на локациите на ДНК метилации. На тој начин може подобро да се види зошто пушењето го зголемува ризикот од многу болести. Постои претпоставка дека оваа наука, позната како епигенетика, може да разбере како генерално нашето цело опкружување може да влијае на нашите гени, а со самото тоа и на можниот ризик од развој на одредени болести.
Истражувачите на крајот ги поддржуваат сите личности кои се одвикнуваат од пушење затоа што тоа е мошне важен процес за намалување на ризикот од сериозни болести.
