Луѓето кои работат во смени (ноќна или втора смена) – што можат да го пореметат сонот, имаат поголема веројатност да заболат од депресија отколку кои работат, на пример, од девет до пет, објавиле британските научници.
Британските научници ги проучиле податоците на седум претходни студии за поврзаноста на работното време и менталното здравје во кое биле вклучени повеќе од 28 000 луѓе. Меѓу сменските работници евидентирале за 28 отсто поголема веројатност дека ќе искусат некој облик на ментални проблеми во однос на оние со конзистентно работно време во текот на работната недела.
„Знаеме дека работата во смени го менува нормалниот биолошки циклус на спиење и будност кој одговара на промените на денот и ноќта“, рекла Луцијана Торкати, водач на истражувањето и научничка на Универзитетот во Ексетер и додала: „Ова пореметување луѓето ги прави поинакви, раздразливи и резултира со социјална изолација затоа што работното време не им се поклопува со работното време на членовите на семејството и пријателите.“
На сменска работа особено се чувствителни жените. Во споредба со жените чие работно време е конзистентно, развојот на менталните потешкотии за 78 отсто е поголем меѓу жените кои се присилени да работат во смени.
Резултатите упатуваат на тоа дека работниците и работодавачите треба да бидат свесни за потенцијалните последици на сменската работра кога станува збор за менталното здравје на вработените.
„Нашиот мозок е програмиран така да спие навечер, кога нема дневна светлина, за да се опорави од сите информации кои се процесираат во текот на денот“, објаснила Торкати и додала: „Со сменската работа, особено ноќната, тој циклус се превртува наопаку. Процесирањето на информациите и будноста навечер, а спиењето во текот на денот. Таквото пореметување на функционирањето предизвикува раздразливост, нервоза, потиштеност и на крајот може да резултира со разни ментални пореметувања.“
