Истражувањето спроведено на Универзитетот во Лондон анализирало 40 000 работници, а откриено е дека оние кои работеле прекувремено или за време на викендите имале поголема можност од развој на депресија, додека жените биле најзагрозена група.
„Откривме дека најзагрозени се работничките кои пушат, тие кои имаат помали приходи, оние кои работат тешки физички работи и кои не се задоволни на работа. Токму тие покажуваат депресивни симптоми“, рекол главниот автор на истражувањето Жил Вестон.
Од друга страна, мажите кои работат повеќе часа или за викендот покажуваат помалку депресивни симптоми од жените, но сепак постои разлика меѓу оние кои работат за време на викендот и оние кои работат само пет работни дена. Научниците се надеваат дека нивното истражување ќе ја подобри положбата на жените на работа за да се зачува нивното здравје.
Најважно е добро да се наспиете и да гледате на нештата што е можно попозитивно, а важна улога за подобро ментално здравје, велат стручњаците, има и исхраната богата со нутритивни намирници, како и физичката активност.
