Џвакајте ја подобро храната
Ќе најдете многу препораки дека секој залак треба да го џвакате 30, 50, па дури и 100 пати! Се разбира, колку повеќе толку подобро, но барем обидете се секој залак да го џвакате барем 20 пати. За вашиот желудник и цревата идеално би било храната да стигнува буквално во течна состојба. За тоа време мозокот ја анализира храната и му „зборува“ на системот за варење каков точно треба да биде составот на дигестивните сокови за сите хранливи материи најдобро да се искористат.
Пијте вода, што е можно повеќе
Вишокот калории, отпадните материи од организмот, евентуалните токсични супстанци, инфекции… сето ова се „испира“ со течноста од организмот. За подобро здравје, трудете се да пиете барем два литри вода дневно. Не пијте вода за време на оброците, ако добро ја џвакате храната вода не ви треба.
Дишете подобро
Дишете што е можно подлабоко со вдишување и издишување. Ако чувствувате дека дишете плитко и забрзано, повремено применете лесна вежба броејќи во себе – од 1 до 4 вдишување, на 5-6-6 благо задржете го воздухот, па на 8 полека издишете. Повторете 5 пати, дишејќи низ нос, па вратете се на нормалното дишење.
Не јадете после 8 часот навечер
Доцните оброци го нарушуваат здравјето затоа што храната го подига нивото на шеќер во крвта, го крева инсулинот, го крева нивото на кортизол и сите хормони се покренуваат затоа што телото очекува активност. Место тоа дозволете му да се одмори и полека да се подготви за ноќта.
Легнете си порано
Колку часа спиете за викенд кога не морате да станете за на работа? Е толку сон ви треба секој ден. Обидете се да си легнувате порано и два или три часа после последниот оброк.
Стојте боси на земја
Кога и да сте во можност шетајте, стојте или седете боси на трева или песок, барем пет до десет минути. Земјината фреквенција е 7.83 Hz, а нашите тета бранови се во растојание меѓу 4 и 8 Hz. Земјината фреквенција ни помага да ги „извлечеме“ своите сетила од надворешниот свет и да се сосредоточиме на внатрешните сигнали.
