Меѓу тие 12 фактори спаѓаат тежината при раѓањето, растот и здравјето на родителите, но и пушењето и консумирањето алкохол. Научниците тврдат дека предвидувањата се точни во 70 отсто од случаите во првите неколку месеци од животот. Обично децата се мерат дури кога ќе тргнат на училиште што, според мислењето на стручњаците, е доцна за каква било акција која би дала резултати. Децата со прекумерна тежина ризикуваат да заболат од дијабетес тип 2, кардиоваскуларни болести и болести на црниот дроб, како и некои чести облици на тумори.
Ризици кои влијаат на дебелината на детето се:
- Индекс на телесна маса на мајката;
- Индекс на телесна маса на таткото;
- Ако мајката е дијабетичар;
- Мајката пушела во бременоста;
- Таткото пушел во близина на трудницата,
- Мајката е необразована;
- Мајката е помлада од 20 или постара од 35;
- Бебето е женско;
- Бебето не е со западњачка националност;
- На раѓањето бебето е потешко од 3 кг;
- Помалку од 50 дена годишно поминува во градинка;
- Растот на бебето во првите месеци од животот.
Сето ова би требало да биде еден вид предупредување за родителите, но и лекарите. Треба на време да се процени ризикот од дебелина и да се делува во склад со ситуацијата. Драги родители треба да знаете дека подобро е да се спречи отколку да се лекува.
