Ѕвездата за прв пат откри дека се борела со рак, исто така, преку објава на Инстаграм во која објасни дека косата ја загубила како последица на болеста.
„Благодарна сум и среќна што сум жива, но тажно е дека ми падна косата“, напиша тогаш актерката.
Веќе следниот ден таа почнала да ги теши обожавателите пишувајќи: „Сега сум добро, зад мене е тешко патување, но сега сум здрава, среќна, поприсутна и поблагодарна од кога било. Ви благодарам од дното на моето се поголемо срце, за вашата поддршка и љубов.“
По една недела решила и да открие што всушност и се случило, па напишала: „Ако се прашувавте, имав рак на анусот. Знам, зарем не?!“
Симптомите се поклопуваат со оние на хемороиди
Ракот на анусот се јавува на аналниот канал (кратка цевка преку која столицата излегува од цревата). Од рак на анусот почесто заболуваат жените, како и лицата постари од 60 години. Ризик од заболување имаат личностите инфицирани со хуман папилома вирус (ХПВ) или ХИВ, пушачите и личностите со ослабен имунитет.
Симптоми: Во некои случаи нема симптоми, но благото крвавење кое обично е прв знак за болеста најчесто се толкува како знак дека личноста има хемороиди. Освен ова благо крвавење постојат уште неколку симптоми кои можат да укажуваат на рак на анусот, според Американското здужение за рак:
- Ректално крвавење;
- Ректален сврбеж;
- Израсток на аналниот отвор;
- Болка или чувство на исполнетост во аналниот дел;
- Промени во празнењето на цревата;
- Исцедок од аналното подрачје;
- Потечени лимфни јазли во аналниот дел или препонското подрачје.
Важно е да се напомене дека наведените симптоми главно се предизвикани од бенигни, неканцерогени појави како што се хемороиди, анални пукнатини или анални брадавици. Затоа не треба да се вознемирувате бидејќи овој вид рак е мошне редок, но и хемороидите треба да се лекуваат, така што треба да се побара лекарска помош за да се открие вистинската причина за тегобите и да се почне со терапија. Како и кај повеќето видови рак, ако се открие навреме, односно во рана фаза стапката на преживување е значително поголема.
Подигање на свеста
Марша Крос не е единствената славна личност која се борела против овој вид редок рак. Во 2009 година и актерката Фара Фосит се соочи со оваа болест, но таа, за жал, ја загуби битката со ракот на аналниот отвор. Иако на Марша можеби и било непријатно да зборува за нејзините здравствени борби, таа во голема мера работи на подигање на свеста за здравствената состојба за која не се зборува доволно.
