Новите насоки на Американското здружение за рак препорачуваат возрасната граница за ова испитување да се намали на 45 години, бидејќи појавата на рак на дебелото црево меѓу младата популација драстично е зголемена.
Во нашата земја со скрининг на карцином на дебело црево се опфатени лицата со ризик фактори на возраст од 50 до 74 години односно лица кои во семејство имале заболени од карцином или се жалат на проблеми и крварења во столицата и други симптоми.
Во Македонија годишно има над 600 новозаболени лица со рак на дебело црево.
Редовното годишно истражување во САД од 2017 година, покажало дека, во споредба со родените 1950 година, лицата родени 1990 година имаа двојно поголем ризик од рак на дебелото црево и четири пати поголеми ризик од рак на ректумот.
“Намалувањето на возрасната граница при скринингот треба да го ограничи влијанието на ракот на дебелот црево на младата популација. Не само што кај младите лица се почесто се дијагностицира овој тип на рак, туку се открива во доцни фази на болеста, кога е потешко да се излекува. Се надеваме дека усвојувањето на новите насоки за скрининг ќе имаат долгорочен ефект на генерациите“, објаснува д-р Ненси Ју, професорка на Одделот за хируршка онкологија на Универзитетот Тексас.
Стручњаците одат и понатаму во насока на превенција и истакнуваат дека е важно кај уште помладата популација – која со години е далеку од новите препорачани возрасни граници за скриниг, со целна едукација да се разбуди свеста за важност на превенцијата. Нивната должност треба да биде сами да ги надгледуваат можните симптоми за рак и да му ги посочуваат на својот лекар по семејна медицина.
“Понекогаш секојдневието толку не обзема, што забораваме да размислиме за тоа дека можеби не се во прашање само хемороиди“, вели д-р Ју.
