Жените со рак на дебелото црево се изложени на поголем ризик од несакани ефекти на стандардната хемотерапија отколку нивните машки врсници со истата болест, покажала новата студија, која анализирала податоци на повеќе од 28 000 пациенти заболени од рак на дебелото црево.
Имено, резултатите од истражувањето покажале дека кај жените со рак на дебелото црево, како резултат на хемотерапијата, почесто се јавуваат гадење, повраќање, дијареја, летаргија и алопеција, како и објективно мерливи хематолошки несакани ефекти како што се неутропенија, леукопенија и анемија.
Се верува дека овие резултати покажуваат статистички сигнификантен и клинички значаен зголемен ризик од нехематолошки и објективно мерливи хематолошки несакани ефекти кај жените.
Целните лекови и оптималната доза на хемотерапија, се важни за постигнување на прифатливо ниво на несакани ефекти, велат експертите. Исто така, рамнотежата помеѓу ефективноста и токсичноста на хемотерапијата би требало да биде посебно анализирана кај мажите, а посебно кај жените, пишува „JAMA Oncology“.
