Ракот на дојка е една од најчестите болести што ги засегаат жените денес. Доколку не се открие навреме може да се прошири и на другите органи. Точните причини за рак на дојка сѐ уште не се научно докажани, но сигурно е дека генетска предиспозиција како и постојана изложеност на стрес, возраста, пушењето, различната хормонална терапија и слично може да влијае на негово појавување Иако досега се веруваше дека е поопасен за повозрасните жени, ракот на дојка речиси подеднакво ги напаѓа и младите девојки и жени.
Заради тоа редовните прегледи се од големо значење. Самопреглед мора да се прави секој месец и да се следи изгледот на дојките. Се прави на едноставен начин, пред огледало, на добро осветлување. Подигнете ги рацете во воздух и проверете дали има неправилности. Потоа, со левата рака, со кружни движења испипајте ја десната града, а потоа истото повторете го со десната рака на левата града. Истото повторете го во лежечка позиција бидејќи така може подобро да се почувствуваат внатрешните жлезди.
Истовремено, многу е важно да обратите внимание на некои од следните симптоми, кои можат да укажат на рана фаза на рак на дојка. Доколку ги откриете, веднаш јавете се кај вашиот лекар
Необично тврди јазли
Болка во дојките или во брадавиците
Невообичаена чувствителност
Промени како црвенило и оток
Промена на обликот на брадавицата
Исцедок од брадавицата
Осип или ранички
