Британската организација Jo’s Cervical Cancer Trust која работи на превенција на ракот на грлото на матката, објавила листа на рани симптоми кои упатуваат на оваа тешка болест.
Крвавење
Најчест и најран симптом е невообичаено крвавење при или после секс, меѓу менструации или во менопауза. Нема старостна граница за заболување од овој вид рак.
Необичен вагинален исцедок
Секоја жена има различен исцедок, па затоа е важно да забележите ако почне да се разликува по боја, мирис или густина.
Непријатност или болка при секс
Болката при секс може да укажува на различни проблеми, еден од нив е и ракот на грлото на матката. Со оглед дека оваа болест често доаѓа без симптоми, болката при секс може да биде клучна при откривање. А може да значи и дека ракот почнал да се шири по околното ткиво.
Болка во долниот дел од грбот
Ако ве заболи грбот, не мора да значи дека имате рак, но може да е еден од знаците. Ако често ве мачи болка во долниот дел од грбот, појдете на гинеколог.
Ненадејно губење килограми
Слабеењето без труд може да звучи како добра работа, но не е. Ако сте го загубиле апетитот и сте почнале да губите килограми, тоа е знак деко телото не функционира како што би требало.
Доколку напредува болеста може да забележите симптоми како: чести потреби за мокрење, крв во урината, крвавење од анусот, дијареја или отекување на нозете. Ако сте забележале кој било од овие симптоми, не чекајте, појдете на лекар, па дури и ако неодамна сте правеле ПАП тест. Исто така, битно да се нагласи е и тоа дека овој вид рак често доаѓа без симптоми, па затоа е важно редонвно да се контролирате.
