Веќе знаете дека слатките напитоци можат да го зголемат ризикот од разни болести, но нова студија истакнува уште еден пијалак: оној газиран кој може да ги зголеми шансите да ракот на дебело црево, трет најчеср карцином кој се јавува кај жените и кај мажите. Ракот на дебело црево претставува втора најчеста причина за смртност од малигни болести во земјава. Кај мажите е ваеднаш зад ракот на бели дробови, додека кај жените зад карциномот на дојка.
Во студијата објавена во списанието Gut, научниците користеле податоци на веќе спроведени студии, во кои 96.000 жени пријавиле која напивка ја пијат во прашалникот кој им бил дава за пополнување секои четири години. Се покажало дека жените кои пијат два или повеќе засладени пијалаци во денот имаат дури два пати поголеми шанси да кај нив порано се развие рак на дебелото црево (пред 50. Година од животот), во споредба со оние кои пиеле помалку од еден сладок напиток во неделата. Секоја напивка што се пие во текот на денот е поврзана со 16% поголема шанса за развој на малигна болест. Притоа, ако секојдневно консумираат такви напитоци помеѓу 13 и 18 година од животот, постои дури и 32 отсто поголем ризик. Севкупно, кај 109 испитаници откриен е рак на цревата во млада возраст.
Тие напивки вклучуваат газирани пијалаци, но и оние кои не се газирани, но имаат многу шеќери или фруктоза, како овошни напивки, засладени ладни чаеви, појаснува водачот на студијата, Џинхи Хур, од одделот за исхрана на Универзитетот Харвард.
Додека научниците знаат дека премногу шеќер може да има многу лошо влијание на здравјето, и понатаму ги интересирало што тоа точно од таквите напивки предизвикува рана појава на рак на дебелото црево.
Д-р Хур мисли дека и тврдата храна со ист број на калории нуди повеќе задоволство од слатките пијалаци, што може да предизвика и прекумерна телесна тежина. Тоа пак може да доведе до проблеми со инсулинот и дијабетес, а се се тоа фактори за развој на рак. Се работи за западна храна која во поголем процент е процесуирана и има многу малку растителни влакна. За да го намалите вашиот ризик, заменете ги засладените пијалаци со вода или млеко, кафе и чај без шеќер и добро внимавајте што јадете. Д-р Хур советува да се јаде што помалку црвено месо и процесуирано месо, кое исто така е поврзано со развој на рак на дебелото црево.
СИМПТОМИ НА РАК НА ДЕБЕЛО ЦРЕВО
За жал, симптомите на рак на дебело црево може да бидат нејасни или лесно може да се заменат со други симптоми. Токму затоа, од голема важност е да се прави колоноскопија и тест за окултно крварење, како и други анализи, особено ако се во прашање високоризични групи. Ако ракот на дебело црево се открие порано и лекувањето започне веднаш, тој е излечлив.
- Замор
- Анемија
- Крвава столица
- Промена на рутината на празнење на цревата
