Според мислењето на стручњаците, со оглед дека ракот на тестиси најчесто се јавува кај помладите мажи, тие би требало да ги знаат знаците и симптомите на болеста. Ракот на тестиси најмногу се појавува кај мажи на возраст од 15 до 40 години.
Доколку се открие навреме, ракот на тестиси може да се излекува.
Знаците на рак на тестисите вклучуваат безболно отекување на тестисите или создавање на јазол со големина на грашок воо тестисите: чувство на тежина, тапа болка во препоните и чувствителност на градите. Она што особено го истакнуваат стручњаците е дека болка во отестисите при оваа состојба имаат само 10% од пациентите.
Доколку ракот на тестиси се прошири и на други делови на телото, кај пациентот може да дојде до развој на болка во грбот, отоци на лимфните јазли на вратот, отежнато дишење, болка во градите или кашлица.
Мажите кои се изложени на поголем ризик од рак на тестиси треба секој месец да прават самопреглед на тестисите. Ризик факторите за рак на тестиси вклучуваат позитивна семејна историја за рак на овој орган, неспуштени тестиси при раѓање и неплодност.
Дијагностицирањето во рана фаза на болеста може да да значи разлика помеѓу директно хируршко лекување и потенцијална хемотерапија и повеќекратни операции, истакнуваат стручњаците.
