Поради поголемиот број на клетки во телото на повисоките луѓе им се заканува поголем ризик од рак, а новата студија покажала дека на секои дополнителни 10 сантиметри висина опасноста се зголемува за 10%, поточно за 12% кај жените и 9% кај мажите. Студијата покажува дека ракот почесто ги погаѓа луѓето кои во телото имаат повеќе клетки од просекот, а високите луѓе ги имаат повеќе пропорционално со нивната висина.
Научниците докажале како хормонот IGF1 кој ги поттикнува речиси сите клетки на телото на раст, ги поттикнува на раст и клетките на туморот. Научниците од Универзитетот Риверсајд во Калифорнија во ова истражување се обиделе да го проценат ризикот на 23 различни видови тумори, а ризикот го поврзувале со висината, пресметувајќи дека просечната висина на мажите е 1,75 метри, а кај жените 1,62 метри.
Тие дошле до заклучок дека кај жените пропорционално со висината расте и ризикот од тумори на тироидната жлезда, кожата, лимфните јазли, дебелото црево, јајчниците и дојките. Кај мажите исто расте ризикот од тумор на тироидната жлезда, кожата, лимфните јазли и дебелото црево, кои го следат ризикот од тумор на бубрезите, жолчката и централниот нервен систем.
На некои тумори висината сепак нема никакво влијание , а меѓу нив се тумор на желудникот, стомачната шуплина, устата и грлото на матката кај жените.
„Веруваме дека кај возрасните луѓе нивото на IGF1 директно влијае на ризикот од тумор„, потврдил водачот на истражувачкиот тим проф. Леонард Нани и објаснил дека веројатно постои поврзаност помеѓу порастот на ризик од рак кај повисоките луѓе и намалениот ризик кај лицата со недостаток на хормонот за раст.
Групата научници од Калифорнија која го спровела ова истражување, но анализирала и многу податоци собрани од целиот свет, како интересен факт го истакнува сознанието дека на некои типови на тумор висината сепак не влијае, како на пример на туморот на белите дробови кај кои ризикот рапидно расте поради пушењето. Ова истражување го потврди и научниот тим од Британскиот центар за истражување на тумори.
