Ракот на грлото на матката главно не дава симптоми во ран стадиум затоа е мошне важно редовно да обавувате гинеколошки прегледи. Иако нема јасни симптоми телото испраќа одделни сигнали дека во него се развива опасен тумор. Меѓутоа, овие симптоми жените, за жал, често ги занемаруваат и ги сметаат како безначајни состојби, а токму таквиот став може да ги чини живот.
Симптомите кои главно укажуваат на рак на грлото на матката се вагинално крварење, иако е завршен менструалниот циклус, болки во стомакот, невозможност да се мокри и крв во урината. Исто така, на оваа болест укажува и болката во коските, болките во долниот дел од грбот, отекување на нозете, губење на апетитот, нагло слабеење, чувство на поспаност и нервоза и промени за време на мокрењето, како и промена на столицата.
Најважен вид на превенција од рак на грлото на матката е редовен гинеколошки преглед, а во повеќето случаи, ако се открие во почетниот стадиум – може да се излечи.
