Ракот на јазик е вид на рак кој настанува со малигна преобразба на клетките на јазикот. Постојат повеќе типови на рак на јазик, зависно од видот на клетките, но во повеќето случаи ги погодува плочестите клетки, и затоа се нарекува планоцелуларен карцином.
Општо за туморите во главата и во вратот, вклучувајќи го и ракот на јазикот, карактеристично е дека се јавува кај повозрасни лица поради долготрајна изложеност на различни ризик фактори како пушење и консумирање алкохол.
Кај возрасните лица, 70% од заболените се мажи, но изминативе години општо е во пораст бројот на заболени и кај помладата популација од 45 години, и поголема зафатеност на жените која главно помалку пие и пуши. Со тоа се поттикнати нови истражувања кои ја објаснуваат ваквата појава со поголема изложеност на хуман папилома вирусот (ХПВ).
ПРИЧИНИ
- Пушење (дури пет пати поголеми шанси)
- Консумирање алкохол
- ХПВ (типови 16 и 18)
- Неадекватна хигиена на усната шуплина, лоши заби
- Генетска предиспозиција кај помладите лица
СИМПТОМИ
Постојат два типа на рак на јазик кои се разликуваат по својата локација:
Рак на оралниот дел на јазикот – ги зафаќа предните две третини
- Јазол кој најчесто се наоѓа странично
- Јазол кој наликува на раничка и е со сиво-розева боја
- Јазол кој лесно крвави на допир
Рак на базата на јазикот – го зафаќа коренот на јазикот кон грлото, и речиси е без симптоми во раниот стадиум
- Болка
- Чувство на полно грло
- Потешкотии при голтање
- Чувство на кнедла во грлото
- Промени на гласот
- Болка во увото
