Се будите уморни, со лоша волја и без енергија? Ништо чудно, нашите животи се повеќе се ангажирани и стресни, што може да остави последици на менталното и физичкото здравје. Затоа, еве неколку совети за поправање на расположението, на нутриционистот Џесика Сепел.
Кога станува збор за исхраната, Сепел советува избегнување на кафе, газирани и енергетски напитоци, а ако не можете без кафе, таа советува да консумирате само една шолја дневно, и тоа наутро пред 10 часот.
Нејзина препорака е да избегнувате обработена и готова храна, бидејќи тоа е како “воспаление во телото“. Препорачува и да не користите вештачки засладувачи, бидејќи се поврзани со лошото расположение, а нејзин совет е целосно да се исфрли рафинираниот шеќер од употреба и да се насочите кон шеќерите од овошјето.
Уште некои тактики кои ги препорачува за подобро расположение и повеќе енергија се во секој оброк да го зголемите венсот на протеини, добри масти и сложени јаглехидрати. Намалете го внесот на алкохол и пијте повеќе вода.
Кога станува збор за животниот стил, Сепел советува редовна физичка активност, оти тоа е природен начин за подобрување на расположението. Паметно да се организирате и да спиете седум до осум часа во текот на ноќта.
Се препорачува и да се зголеми внесот на витамин Б, секојдневно да минувате барем 15 минути на сонце. На крај, таа вели што повеќе да се смеете – научно е докажано дека смеењето значи и подобро расположение.
