Американското здружение на кардиолози објавило студија во која се нагласува важноста од избалансирани прехранбени навики. Здравата исхрана придонесува за севкупен поздрав начин на живот и го намалува ризикот од срцев и мозочен удар, дијабетес тип 2 и хронични заболувања.
Според авторите на студијата појадокот е, секако, најважниот оброк во текот на денот, а 20 до 30 отсто од возрасните го прескокнуваат овој оброк. Оваа лоша навика како последица има зголемување на стапката на гојазност и повисок ризик од кардиоваскуларни болести и дијабетес тип 2.
Авторите на студијата нагласуваат дека времето на оброците и нивната зачестеност се подеднакво важни како и содржината. Една од навиките до кои би требало да се придржуваме е порано да вечераме, како и меѓу оброците да не правиме паузи поголеми од 5 часа.
