Она што ги загрижило експерите во Велика Британија е фактот дека дошло до зголемување на бројот на заболени и тоа од 14 проценти во само една недела, а се чини дека сите го игнорираат фактот дека новиот есенски бран на вирусот е пред врата.
Само пред две недели, околу 1,1 милион луѓе во Британија биле позитивни на вирусот, а минатата недела околу 927.000 лица. Што го предизвикало овој бран не се знае, но експертите сметаат дека проблемот е и во следењето на насоките кога се во прашање симптомите, а тие во моментов се погрешни. Тоа значи дека лице може да го шири вирусот затоа што мисли дека е во прашање само настинка.
КОЈ СИМПТОМ ЈА ОТКРИВА БОЛЕСТА?
„Насоките за симптомите се погрешни, а многумина и натаму слепо ги следат“, вели проф. Тим Спектор и додава дека во моментов КОВИД-19 првично се јавува со ист симптом кај една третина од луѓето, а тоа е болно грло. Температурата и губењето на вкусот во моментов се многу ретки, па така многу луѓе мислат дека не се болни, туку сано дека имаат настинка и нема да се тестираат.
Проф. Спектор додава дека треба да бидеме свесни дека новиот бран е веќе тука, а варијантите на омикрон стануваат многу инвазивни за имунитетот и би можеле да предизвикаат големи проблеми оваа зима.
Вирологот, проф. д-р Лоренс Јанг се согласува: “Откриваме како вирусот се развибва и ‘игра’ околу имунитетот стекнат со вакцинација и сите инфекции што лицето можеби ги имало. Голема загриженост е што гледаме дека овие нови варијанти предизвикуваат малку поголем број на инфекции. Иако можеби тоа го очекувавме, тоа само покажува дека уште не сме се ‘извалеле’ и дека треба да внимаваме“.
Експертот тврди дека заради брзите тестови, сите заборавивме дека варијантите на вирусот можат да се откријат само со ПЦР тестови, а сега тие се прават многу помалку од минатата година.
“Луѓето ќе имаат разни инфекции во текот на зимата, но нема да знаат за што се рабпто бидејќи не се можни бесплатни тестови, па ќе дојде до проблеми. Друг агол е економскиот притисок, па ако лицето се чувствува лошо, нема да земе слободни денови Станува збор за можноста за создавање на совршено невреме“, додава тој.
Според последните податоци од Министерството за здравство во Скопје пред два дена заболеле 36 лица, вкупниот број на новозаболени пред викендот изнесувал 56. Од овие нови зарази, регистрирани се 9 реинфекции. Во моментов во земјава, според официјалните податоци активни се 432 случаи на КОВИД-19.
