Научници од една данска компанија во соработка со Универзитетот Оксфорд, равиле брз ПЦР тест кој овозможува откривање на британската, бразилската и јужноафриканската варијанта на коронавирусот. Тие варијанти, кои се 50 до 70 проценти позаразни од оригиналниот сој на коронавирусот од Вухан, забрзано се шират во светот.
Така, британската варијанта В.1.1.7 стана доминантна во Велика Британија, а во европските земји чини 20 до 70 проценти од слите случаеви. Британската варијанта на коронавирусот од овој месец е присутна и во нашата земја.
“Треба да се биде свесен дека новиот сој го има во висок процент и дефинитвно побрзо се шири. Полесно се шири помеѓу младите, веројатно и помеѓу децата“, предупредуваат инфектолозите.
Во моментов, единствен сигурен и проверен начин на откривање на британскиот, бразилскиот и јужноафриканскиот сој е со секвенционирање на целиот геном на коронавирусот, што се скапо и бавно, оти трае најмалку една недела. ПЦР тестовите се поевтини и побрзи од секвенционирањето, оти постапката трае само неколку часа.
Новата метода за детектирање на варијантите на коронавирусот, што ја развија проф. Стефани Орум и нејзините колеги, бара само мало прилагодување на ПЦР тестовите кои веќе се користат во светот и важат за златен стандард во откривањето на случаевите на инфекција. Новиот тест наскоро ќе биде достапен на непрофитна основа и може драматично да ги подобри напорите за надзор на пандемијата ширум светот.
„Во иднина ќе можете на луѓето кога ќе им ги дадете резултатите од ПЦР тестот да им кажете: ’Да, позитивни сте на коронавирус и носите проблематична варијанта“, потенцираат истражувачите од Оксфорд.
