Бракот и понатаму може да се смета за успешен, дури и ако заврши со развод, велат психотерапевтите. Брачните советници велат дека бракот е дизајниран да им помогне на луѓето да растат, а понекогаш и да ја „надраснат“ таа врска. Важно е да се прифати промената во таа врска, а не да се стравува од истата, пренесува „Business Insider“.
Хал Рункел, брачен и семеен терапевт од Атланта, вели дека „бракот има една цел“, а таа е луѓето да постигнат личен раст во неа.
Никогаш не ги предомислува паровите да се разведат ако веќе така одлучиле. Според него, тоа не е неуспех ниту негов ниту на неговите клиенти.
Бракот, вели тој, е „совршено дизајниран да ви помогне да пораснете. Бракот ја открива нашата себичност. Тој ќе ја открие нашата незрелост. А тоа е добра работа. Тој постојано ќе бара од вас да се развивате на начини на кои не сте очекувале.“
Она што понекогаш се случува е еден или двајцата партнери драстично да се променат до таа мера за да сфатат дека нивниот брак не им помогнал да го живеат животот што го сакаат
Ова е тешко да се прифати, бидејќи, се чини, дека нема смисла да стапите во брак, ако очекувате дека толку ќе пораснете што еден ден и ќе го надраснете.
Токму тоа, отфрлање на личниот раст го прават бракот и животот општо, уште потежок.
Лаура Маркам, психолог од Њујорк се согласува со Рункел и додава дека „Не стапуваме во брак за да постигнеме личен раст, но искрено, бракот е еден од најдобрите лаборатории за тоа да се направи“.
Рејчел Заморе, брачен и семеен терапевт, додава на сево ова дека луѓето кои се подготвени да ја прифатат неизбежноста на промените во животот – најдобро се однесуваат во врските.
„Да се биде способен да се прифатат околностите и искуствата во нашите животи како можност за личен раст и развој, а не како нешто што ќе не направи несреќни или среќни“, вели, е клучот за задоволство во врската.
