Срцето на жените кои ‘рчат претрпуваат побрзи и поголеми оштетувања од срцето кај мажите кои ‘рчат, укажува британска студија во која учествувале 4.500 возрасни лица. Исто така, се покажало дека опструктивната слип апнеа не е доволно препознаена кај лицата кои ‘рчат.
Имено, изненадување преставувала различната манифестација на болеста според полот. Кај жените се воочени значајни промени во срцевите мерки.
Но, и кај мажите и кај жените со слип апнеа, воочено е зголемување на левата комора на срцето. Нејзините ѕидови биле подебели поради што срцето потешко пумпало крв. Кај жените овие промени биле поизразени. Се смета дека преминот од ‘рчење до опструктивна апнеа во сон е процес кој се развива и се поврзува со потенцијално опасно зголемување на левата комора.
Гласното ‘рчење е знак на опструктивна слип апнеа која зафаќа 3 до 7 проценти од возрасните лица и се карактеризира со кратки периоди на прекин на дишењето. Слип апнеата е препознаена и како дополнителен ризик фактор кај сериозни здравствени проблеми како што се хипертензија, болести на срцето и лош метаболизам на шеќерот во крвта. Лекувањето на апнеата зависи од нејзиниот причнител.
