Наглите временски промени се голем стрес за организмот. Зависно од здравствените проблеми со кои се соочуваат, луѓето промената на времето ја доживуваат поинаку. Најзагрозени, секако се хроничните болни, но и оние без здравствени тегоби можат и тоа како мачно да реагираат на наглиот пад на температурите и промена на атмосферскиот притисок.
- Здравите лица најчесто се чувствуваат малаксало и поспано. За полесно да ги поднесете временските осицлации, неопходно е да внесувате доволно течности, и исхраната да виде лесна, т.е да се заснова на витамини. Се советува и умерена физичка активност.
- Хроничните болни треба да се придржуваат со советите на својот лекар и редовно да земаат терапија како што советуваат стручњаците.
Со оглед на тоа дека метеоропатските реаакции се јавуваат 4 до 48 часа пред самата промена на времето, на организмот за прилагодување му се потребни два до четири дена. Во тој период оргазнимот се адаптира на неповолната фаза за повеќе да не ја идентификува како негативна.
На оние лица кај кои психофизичката состојба значајно се влошува поради влијание на времето, стручњаците советуваат задолжително да ја следат биопрогнозата. Здравите лица треба да ги прилагодат активностите на неповолните биометеоролошки прилики, и во тие денови да го одржуваат психичкото и физичкото здравје на највисоко ниво.
