Бројот на меланоми е постојано во пораст, па заради тоа и се повеќе се зголемува свесноста кај луѓето за превентивно делување. Прегледот на промените на кожата може секој да ги направи сам, а најважно е да ги правите редовно. Секоја невообичаена промена треба да се пријави кај докторот кој треба да одлучи дали и кави дополнителни испитувања ќе направи.
Секој човек во просек има од 15 до 40 бенки, во зависност од возраста. Бенките се создаваат и го менуваат изгледот во текот на животот и тоа е сосема нормален процес. Така, бенките во периодот до пуберттот се многу потемни, а во зависност од хормоните се менуваат, стануваат испакнати или неправилно пигментирани. Бенките во зрелото доба се рамномерно пигментирани, а со стареењето осветлуваат. Најголем број бенки човекот има во триесеттите години, а во староста има од 4 до 6.
Што се однесува до дерматолошките контроли, пак, тие зависат од фактот колку од блиски личности во семејството имале меланом како и дали личноста има бенки кои имаат голема веројатнос за алтерација во меланом. Во тие случаи се препорачува контрола да се прави три до четири пати годишно со задолжителна фотодокументација и пратење на промените со дерматоскоп.
На кои промени треба да внимаваме?
За полесно помнење на сите симптоми кои треба да се следат кај промените на бенките, во САД е популарна кратенката ABCDE melanoma. Тоа всушност значи:
А- асиметрија
B- (border) рабови
C-(colour) боја
D- дијаметар
E- еволуција и елевација
