Што може една шолја чај да направи за вашето здравје? Новото истражување покажа дека секојдневното консумирање чај има многу придобивки за здравјето, а една од нив е и помал ризик од појава на глауком.
Речиси 4,5 милиони луѓе се слепи како последица на глаукомот, а се очекува во периодот до 2020 година бројката да достигне до 11,2 милиони. Имено, во развиените земји кај повеќе од 50 % заболени од глауком, болеста не е навремено препознаена, ниту лекувана, додека во неразвиените земји ова бројка се зголемува до 90 %.
За лекување на глаукомот помага и чајот од глог и листови од малина, како и чај од хељда
Глаукомот е прва причина за неповратно губење на окото и втора најчеста причина за слепило во светот.
Научниците од Универзитетот Браун и Калифорнија ги анализирале податоците на 10.000 Американци. Во нив биле опфатени анализа на крвта, податоци од прашалникот за начинот на живот и навики, физичка состојба … Истражувачите се фокусирале на податоците од 1,678 луѓе кои имале навика на редовно консумирање чај. Само пет отсто од нив заболеле од глауком.
Анализата утврдила дека лицата кои пијат една шолја чај на ден имаат 74 отсто помал ризик од развој на глауком во споредба со оние кои не пијат чај.
