Во последната седмица од април во клиниката „Жан Митрев“ биле направени рекорден број дијагностички прегледи од почетокот на годината, вкупно 1610, најголем број МР (магнетна резонанса) 40, рендген прегледи 108, интернистички прегледи 469, а само во таа недела биле изведени и 19 кардиохируршки операции. Вкупниот број операции од почетокот на годината заклучно со април кој беше најуспешен месец досега изнесува 657 од кои 281 кардиооперации.
Како што информираат од Клиниката, овие бројки се добиени од центрите во Скопје, Струмица и Битола и се однесуваат на сите одделенија и дијагностички центри во склоп на клиниката „Жан Митрев“.
Клиниката „Жан Митрев“ останува посветена на својата општествена функција и здравјето на сите граѓани, да обезбеди врвна здравствена услуга и професионална нега на пациентите
Зголемениот обем на работа е резултат на довербата на граѓаните во услугите на овој специјализиран здравствен центар, квалитетот на здравствените услуги и професионалноста на медицинскиот персонал предводен од д-р Жан Митрев.
Довербата на граѓаните во работата на клиниката „Жан Митрев“ се зголемува и покрај постојаниот притисок врз целиот тим и опструкциите во работата предизвикани од неоснованите обвиненија и диригираната хајка. И покрај ваквите тенденциозни обвинувања, клиниката „Жан Митрев“ останува посветена на својата општествена функција и здравјето на сите граѓани, да обезбеди врвна здравствена услуга и професионална нега на пациентите.
