Иако ренот кај нас традиционално се користи во зима, во некои други кујни се користи преку целата година. Освен што е богат со витамин Ц, ренот има разни лековити својства, а едно од нив е неодамна откриено.
Веројатно, знаете дека зелката, карфиолот, брокулата и останатиот зеленчук, кои се препорачуваат како превенција од малигни промени, особено на дебелото црево и во себе содржат глукозиналати, се една од причините за превенирање на карциномите.
Меѓутоа, неодамна научници открија дека ренот содржи 10 пати повеќе глукозиналат во споредба со брокулата.
Истражувањето на Универзитетот во Илиноис објавено во Journal of Agricultural and Food Chemistry покажало дека глукозиналатите може да се активираат во организмот одредени ензими за детоксикација, кои се во сосотојба да ги елиминираат слободните радикали кои придонесуваат за развој на ракот. Притоа, ренот содржи два вида гликозиналати кои се апсорбираат речиси 90 % кога ќе изедеме рен, што е исклучително голема искористеност.
